الله يجازي من سوى سواتك

الله يجازي من يسوي سواتك \\\\ بذنوب من سوا سواتك يجازيك
مشيت درب الثقل وتحب ذاتك \\\\ ماتدري انه للمهالك يوديك
غرك جمالك ياخسارة حلاتك \\\\ ماتدري ماغير طبعك يحليك
اتقول زينك يشفع السيئاتك \\\\ الحسن ماهو عن وفا الحب يعفيك
لو التواضع والوفا من سماتك \\\\ بعت الحبايب كلهم دين وشريك
لاكن عجزت اغيرك ياجراتك \\\\ على الغياب اللي بلا عذر ينجيك
خطاي في توضيح وشهي غلاتك \\\\ وخطاك في توضيح وشهو تغليك
وشلون توصيني وتنسى وصاتك \\\\ وتصد عن صوت(ن) تقطع يناديك
مافادك التجريح والعذر فاتك \\\\تبغي رضاي الحين ماعاد يمديك
صحيح احبك بس هذي جزاتك \\\\ بعلمك درس(ن) يفيدك وينجيك
تدري وش ابيض من خفوقك عباتك \\\\ وتدري وش اللي غرني نظرتي فيك
أدري بتستغرب تصبر وجاتك \\\\ قصيدت(ن) من واحدن كان يغليك
تبغي تناظر وانت عايش مماتك \\\\ شف وحدتك والناس تجلس حواليك
وتبي تشوف أشجع رجل في حياتك \\\\ شفني وانا راحل وانا ميتن فيك

" صعب المنال " الله عليك
انتقاااء جدااا جميل .. وكلمات لشاعر المليون
كل الشكر لحضورك الرااائع .. وبانتظار جديدك

يسلمو ع المرور الطيب